تطويل الشعر

مساء الخير..

ماابي اطول عليكم بس حبيت انقلكم تجربتي عشان الي تحتاجها تستفيد منها وتجيني دعوه بضهر الغيب

بدايةً ياحوآئيات ,, انا عانيت من كم سنه بتساقط الشعر بشكل فظييييييع وصار شعري مره خفيييف , عشان كذا صرت ماخليه يطول لانه لما يطول يصير شكله غبي ويفشل

الموهم ماخليت شي ماجربته واخر شي تعبت وخليته ..

الى ان جا ذاك اليوم وقالتلي اخت زوجي الله يسعدها عن خلطه من صديقتها تطول الشعر وتكثر وهي شافت الفرق الخيااااالي على شعر صديقتها,,

جربتها يابنات وماشاء الله تبارك الرحمن امتلأ شعري بالشعر الصغير الي توه طالع لدرجه انه طالع بكل جهه وصار شكله يضحك ( قناصيع خخ) فا قمت اثبته بالسبري ابيه الين يطول ..

نبدأ بسم الله...

المقادير

2 ملعقه كبيره سدر مطحون
فنجال ملح
خل ابيض ( بالغطاء حقه بس)
كوب ماء

تخلينه ست ساعات تقريبا وبعدين تحطينها على شعرك واهم شي فروة الراس واحسن تنامين فيها او تخلينها كم ساعه على شعرك مو مشكله..
اول استخدام ( مرتين بالاسبوع)
ثاني استخدام مره وحده بالاسبوع ( واحسن حددي يوم بالاسبوع خاص للخلطه اثبتلك وعشان تعطي نتائج احسن)

عيوبه الي لاحظتها على شعري الجفاف..

لكني قضيت على هالعيب بلبلسم الي بعد الشور واحيانا مااحط بلسم بس كريم لشعر اخذ منه شوي وادهنه فيه..


يعلم اني اعطيتكم خلطه من ابدع مايكون ومجربه وشايفه نتايجها على نفسي وماابي الا دعوه بضهر الغيب..

في امان الله

ساجري التجربة وروعة

ما شاء الله سلمت اياديك على موضوك المميز و جعلها في ميزان حسناتك
الله يعطيك العافية على الموضوع المميز
جزاك الله كل خير اخي الكريم